Tout tan sa yo ki pase nan vim ak nan antouraj mwen, mwen aprann yon bagay ki se kle pou lavi’m. Nan nenpòt sitiyasyon mwen ye, oubyen yon lòt moun BonDye toujou la, li toujou la ap frape pòt kè nou poul ka rantre, li pa dezòd, san prensip oubyen menm antre si li pa envite.
Mwen vle ankouranje ou menm jodi a ke BonDye toujou ap frape pòt kè ou, li toujou la pou’l edew ak pwoteje ou menm lè ou pa merite sa. Sonje ke li la, li vle pale avew, li vle bon zanmi’w, pi bon zanmi ke’w te ka janm genyen oubyen konnen.
Mwen toujou nan pwosesis pou kite BonDye antre nan kèm chak lè mwen repouse’l e travay nan mwen, paske pwosesis sa map toujou bezwen fè’l chak jou pou’m ka grandi. Men mwen konnen ak èd Sentespri a ki la pou’l ansenye ak konvenk mwen map vin pi meyè nan sa chak jou. Em panse pou ou menm tou se menm bagay. BonDye beni ou e li avèk ou.
